Աշոտ Հովհաննիսյանի հիշատակին նվիրված ծրագրավորման մրցույթ

Փետրվարի 20-ին Դիլիջանի կենտրոնական դպրոցում տեղի ունեցավ ծրագրավորման համայնքային մրցույթ՝ նվիրված Աշոտ Հովհաննիսյանի հիշատակին։ Մասնակցում էին թվով 20 աշակերտ Դիլիջանի, Գոշի և Թեղուտի դպրոցներից։

Մրցույթը նպատակ ուներ զարգացնել Դիլիջան համայնքում համակարգչային և տեխնոլոգիական կրթությունը։

Բոլոր մասնակիցներին տրվեցին խրախուսական մրցանակներ, իսկ լավագույնները պարգևատրվեցին թանկարժեք մրցանակներով։

Արդեն երրորդ տարին է՝  մրցույթի իրականացմանը աջակցում են Աշոտ Հովհաննիսյանի ընկերները, «ԴԻԼՆԵՏ» զբոսաշրջության և բիզնեսի կենտրոնը։

Ինչպես անցյալ տարի, այս տարի ևս գլխավոր մրցանակը տրամադրեց «ՖԱՅՆ» ընկերությունը՝ ի դեմս տնօրեն Գառնիկ Սահակյանի։

Ուրախությամբ նշում ենք, որ այս տարի Դիլիջանի համայնքապետարանը ևս միացավ հովանավորների թվին և մեծ սիրով աջակցեց մրցույթի կազմակերպմանը՝ տրամադրելով մրցանակներ։

Ահա մրցանակակիրների ցանկը․

1. Վանեսյան Լիլիա, 4-րդ դպրոց, 7-րդ դասարան
2. Նգոյան Մարիա, 2-րդ դպրոց, 6-րդ դասարան
3. Փողհարյան Մերի, ԴԿԴ, 4-րդ դասարան
4. Թամրազյան Նինա, Թեղուտ, 8-րդ դասարան

Ստորև կարող եք տեսնել լուսանկարները․