Գյումրի՝ վարպետաց քաղաք

Հոկտեմբերի 20։ Արևոտ, պայծառ օր։ Հանդիպում հաճելի մարդկանց հետ և, իհարկե, Հայաստանի ամենատպավորիչ քաղաքներից մեկը՝ Գյումրին։

6-րդ դասարանի աշակերտների ճամփորդությունը հետաքրքիր էր և բազմաբովանդակ։

Սկզբում այցելեցին Մինաս Ավետիսյանի տուն-թանգարանը Ջաջուռ գյուղում, որտեղ ծանոթացան Վարպետի որմնանկարներին և «Գայանե» բալետի համար իր  ստեղծած դեկորացիաներին։

Այնուհետև աշակերտները  հայտնվում են «Արեգակ» ներառական սրճարանում, որտեղ ծանոթանում են  են աշխարհի ամենաբարի և ամենաուժեղ մարդկանց հետ, ովքեր պատրաստում են Գյումրու ամենահամեղ ուտեստները։

Հետագա ճանապարհը տանում է դեպի 19-րդ դարում միջնադարյան ոճով կառուցված ամրոց՝ Սև Բերդ։

Սև Բերդից ուղևորվում են դեպի Արտակ Թադևոսյանի արհեստանոց, որտեղ մերօրյա տաղանդավոր վարպետը օգտագործված փամփուշտներից գեղեցիկ և յուրահատուկ զարդեր է պատրաստում։

Հաջորդ կանգառը հին խարխլված շենքում տեղակայված ավիամոդելավորման խմբակն էր, որտեղ մեր աշակերտները ծանոթացան ինքնաթիռներ և սավառնակներ պատրաստող իրենց հասակակիցների հետ։

Հերթը հասավ իր բազմաթիվ թանգարաններով հայտնի Վարպետաց փողոցին։ Աշակերտները նախ հյուրընկալվեցին գրչի մեծ վարպետներ Հովհաննես Շիրազի և Ավետիք Իսահակյանի թանգարաններում, իսկ հետո սիրված դերասան Մհեր Մկրտչյանի թանգարանում։

Տպավորություններով լի օրը ավարտվեց քաղաքային զբոսանքով։