Դպրոց-սովորող-ընտանիք համագործակցության ուղիները բազմազան են, և այդ բազմազանության դրսևորումներից մեկն էլ Դիլիջանի կենտրոնական դպրոցի 1-ին դասարանցիների և ծնողական համայնքի միասնական բեմելն էր, որը ոգևորեց և՛ երեխաներին, և՛ ծնողներին, և՛ հանդիսատեսին։

—Ես ուզում եմ իմ մայրիկն էլ մասնակցի։

—Ես էլ։

Իրենց ցանկության մասին ասացին ծնողներին, իսկ նրանք էլ ընդառաջ եկան երեխաների ցանկությանը։ Բոլորը մասնակցեցին։ Պատմեցին, արտասանեցին, երգեցին, ռիթմիկ ծափերով ու դոփյուններով ամբողջացրին ներկայացումը։

Լավն էր, շա՜տ լավը, գեղեցիկ, գրավիչ, հետաքրքիր․․․

Այսօր Դիլիջանի կենտրոնական դպրոցում թումանյանական փառատոնի երկրորդ օրն էր: Բեմում էին Հաղարծնի միջնակարգ դպրոցի, Գոշի միջնակարգ դպրոցի, Դիլիջանի թիվ 5 դպրոցի և Դիլիջանի ավագ դպրոցի աշակերտները:

Միջոցառումը մեծ բավականություն պատճառեց թե՛ մասնակիցներին, թե՛ հանդիսատեսին։ Բոլորի աչքերում պայծառ և ստեղծարար լույս էր շողում:

Միջոցառման վերջում մասնակից բոլոր դպրոցներին հանձնվեց ՀՀ Տավուշի մարզպետի կողմից տրված շնորհակալագրեր և Դիլիջանի կենտրոնական դպրոցի կողմից պատրաստված հուշանվերներ: Հուսով ենք՝ այս դպրոցական համագործակցությունը շարունակական կլինի։ Լուսանկարները ստորև․

Համարվում է, որ ամենահին բանաստեղծություն-հիմները ստեղծվել են մ.թ.ա. 23–րդ դարում: Դրանց հեղինակը բանաստեղծուհի-քրմուհի Էն Հեդու Անան է՝ աքքադական թագավոր Սարգոնի դուստրը։ Արքայադուստրը գրել է Նաննե Լուսնի աստծո և նրա աղջկա՝ կորած աստղ Ինաննեի մասին: Continue reading “Պոեզիայի օրվա առթիվ՝ յուրօրինակ ստեղծագործություններ մեր ստեղծագործ աշակերտների կողմից” →

Մարզի դպրոցների միջև կապն ամրապնդելու և կրթական փորձով կիսվելու նպատակով ԴԿԴ-ում իրագործվեց ևս մեկ հետաքրքիր նախաձեռնություն։

Մեր դպրոցի 5-րդ դասարանցիները Թեղուտի միջնակարգ դպրոցի 7-րդ դասարանցիների հետ ՏՀՏ առարկայի իրենց դասաժամը անցկացրեցին միասին՝ հեռահար կապի միջոցով։ Դասին կիրառվեց արագ մուտքագրման կույր տասմատնյա մեթոդը։ Դասի սկզբում երկու դասարանների աշակերտները քննարկեցին մեթոդի անհրաժեշտությունը, դրա կիրառման ոլորտները։ Թեղուտի դպրոցի ուսուցչուհի Շուշանիկ Ամիրխանյանը պատմեց մուտքագրման տեխնիկայի զարգացման պատմությունից, իսկ արագ մուտքագրման կանոնները ներկայացրեց ՏՀՏ առարկայի մեր դպրոցի ուսուցիչ Լուսինե Ալավերդյանը։ Այնուհետև աշակերտները ծանոթացան մուտքագրման վարժանքների համար նախատեսված կայքին և անցան գործնական աշխատանքի։

ՏՀՏ առարկայի դասավանդման մեթոդներով, ժամանակակից ռեսուրսներով միմյանց հետ կիսվելը երկուստեք օգտակար էր։

Հուսով ենք՝ աշակերտների ծանոթությունը հետագայում կլինի նաև ոչ հեռահար։

ԴԿԴ-ում կայացավ Թումանյանական փառատոնի առաջին օրը։ Այսօր ներկայացան Դիլիջանի թիվ 6, թիվ 4 և կենտրոնական դպրոցի աշակերտները: Ստորև ներկայացնում ենք լուսանկարները: